ПЕТРОПАВЛ. 26 сәуір. Таңмен таласа тұрған солтүстікқазақстандықтар сайлау науқанының ақтық мәресіне де жетті. Бұл туралы egemen.kz тілшісі хабарлады.
Біз бірқатар сайлау орындарын аралағаннан кейін облыстық сайлау комиссиясына соғып, маңызды науқанның өту барысымен жете танысуды ұйғардық. Комиссия төрағасы Асқар Сақыпкереев сағат 12.00-де 380 мыңнан астам сайлаушылардың жартысынан астамы өз таңдауларын жасағанын, 12 учаскеде аяқталғанын мәлімдеген еді.
Сағат 18.00-де Айыртау ауданында іссапармен жүрген халықаралық байқаушы Матвей Бергманмен ұялы телефон арқылы хабарласқанымызда сайлаудың ашық, әділ өтіп жатқанын сайлаушылардың 97,5 пайызы өз таңдауларын жасағандарын жеткізді.
Ал, облыс бойынша бұл көрсеткіш 93,86 пайызды құрап, 98 учаскеде тәмамдалғаны белгілі болды.
Өмір Еcқали.
Дерек, сурет: egemen.kz
