Астанада қазақ тілін үйрететін кітаптың тұсаукесері өтеді

АСТАНА. 22 қаңтар. Ертең, 23 қаңтарда сағат 11.00-де Ұлттық академиялық кітапханада Қанат Тасибековтың «Ситуативный казахский ІІ т., Диалоги» кітабының тұсаукесері өтеді. Бұл туралы egemen.kz тілшісі хабарлады. Автордың бұған дейін «Ситуативный казахский І т., Мир казахов» деп аталатын кітабы 15 000 данамен жарық көріп, қазақстандық бестселлерге айналған. «Эксперт Казахстан» интернет-порталының әлеуметтік зерттеуі бойынша, Қазақстан халқының ұлттық дүниетанымын көрсететін 100 кітаптың қатарына енген. Автордың өзі қазақ тілін үйретудің әдістемесін дамытқан еңбегі үшін «Тіл жанашыры» құрмет белгісімен марапатталған. «Ситуативный казахский ІІ т., Диалоги» кітабы аты айтып тұрғандай, оқулықтарға арналған жасанды тақырыптағы диалогтардан тыс, нағыз өмірде кездесетін ситуациялық жағдайдағы сұхбаттарды қамтиды. Тұсаукесер кезінде қазақ тілін үйретудің тың әдістері бойынша қызықты әрі еркін пікір алмасулар болып, БАҚ өкілдірінің сұрақтарына жауаптар беріледі. Жолдыбай Базар. Дерек: egemen.kz. Сурет: kazlib.nabrk.kz.