Бұрын-соңды болмаған

Мұндай шешім Парижде өткен Халық­аралық олимпиада комитетінің 142-сессия­сында қабылданды. Комитет мүшелері жарысты екі жылда бір рет өткізуді ұсынды. «Олимпиадалық киберспорт ойындарының құрылғанын растай отырып, біз цифрлық революция қарқынына ілесеміз. Киберспорт қауым­дастығы бұл бастамаға құлшыныспен қарайды. Халықаралық комитет пен Сауд Арабиясы осы виртуалды бәсеке аясында 12 жыл серіктес болады», деді Халықаралық Олимпиада комитетінің президенті Томас Бах.