Солтүстік Қазақстанда денешынықтыру-сауықтыру орталығы бой көтерді

ПЕТРОПАВЛ. 22 қаңтар. Солтүстік Қазақстан облысының әкімі Ерік Сұлтанов Ғ. Мүсірепов атындағы ауданда болып, жаңадан пайдалануға берілген дене шынықтыру- сауықтыру орталығын аралап көрді. Бұл туралы облыстық әкімдіктің баспасөз қызметі хабарлады. Спорт кешенін салуға республикалық қазынадан 260 млн. теңге бөлініп, құрылыс жұмыстарымен «Солтүстік құрылыс» фирмасы айналысты. Қазір мұнда волейбол, баскетбол, шағын футбол, тренажер, бокс, жекпе-жек, 160 орынға лайықталған көрермендер залдары, медицина, душ кабинеттері жұмыс істейді. Ерік Хамзаұлы дене шынықтыру-сауықтыру орталығына жүгіру жолағын сыйға тартты. Мұның алдында ауданда инвесторлар бөлген 100 млн. теңгеге  жүзу бассейні бой көтерген болатын. Онда күніне жүзге тарта адам суға шомылып, саламатты өмір салтына бейімделеді. Өмір Есқали. Дерек: Солтүстік Қазақстан облысы әкімдігінің баспасөз қызметі. Сурет: total.kz.