АЛМАТЫ. 12 маусым. Қазақстан баспасөз клубында қазақ әдебиетін насихаттайтын жаңа сайттың тұсауы кесілді.www.akalam.kz әдеби сайтының таныстырылымынан кейін «Алтын қалам» әдеби жүлдесінің жаңа маусымы жарияланды. Бұл туралы egemen.kz хабарлады.
Болашақта байқау сынына түсетін туындылардың барлығы аталған сайтқа салынады. Байқау жеңімпазы оқырмандардың дауыс беру қорытындысы арқылы анықталады. Әдеби жүлде иесін мәреге шығару екі кезеңнен тұрады. Алдымен сайтқа түскен шығармаларды оқырмандар іріктейді, содан соң ғана ақырғы сөзді қазылар алқасы айтады. «Алтын қалам» – «Жылдың үздік сатирасы», «Жылдың үздік фантастикалық немесе шытырман оқиғалы шығармасы», «Жылдың үздік киносценарийі және драматургиясы» номинациялары бойынша жүлде тағайындады. Сонымен қатар биыл «Демеуші таңдауы» номинациясы бойынша үздік шығармаға жоба серіктестері конкурстан тыс өз сыйлығын табыс етеді. Жобаның серіктестері – «Казкоммерцбанк» , SAMSUNG компаниясы екенін еске сала кетейік.
Шығармаларды kene2002@mail.ru немесе adebiet2014@mail.com электронды мекен-жайына жіберуге болады.
Талғат Сүйінбай.
Дерек, сурет: egemen.kz.
