«Маңғыстаулықтар сайлауда белсенділік танытты»

АҚТАУ. 26 сәуір. Маңғыстау облысында сайлау мәресіне жетті. Бүгін облыстық Дағыстан халқының мәдени орталығының төрағасы Юсуп Шахшаевпен кездесіп, сайлаудың өтуі барысы туралы әңгімелескенімізде, ол маңғыстаулықтардың сайлауда белсенділік танытқанын айтты. Бұл туралы egemen.kz тілшісі хабарлады. «Мен №№38, 39 сайлау учаскелерінде күні бойы сайлау барысын бақыладым, өңір жұртшылығы дауыс беруге өте белсенді қатысты, бұрын-соңды болмаған сайлаушылар саны тіркелді. Жастар да, егде жастағы азаматтар да дауыс берді. Халықтың сайлауға саналы түрде келуі қуантады. Сайлауға алғаш рет қатысуым емес, алайда адамдардың мұндай белсенділігін көрмеп едім. Тізімде аты-жөні болмаған азаматтардан біз үй кітапшасын талап еттік, олар ерінбей үйге барып, құжатты әкелгеннен кейін дауыс берді. Бұл да халықтың біртұтастығын көрсетеді», - дейді ол. Оның айтуынша, сайлаудың биыл өтуі өте орынды. Халық та әлемде қалыптасып отырған жағдайды ой елегінен өткізіп, Қазақстан болашағы үшін дауыс берді. Гүлайым Шынтемірқызы. Дерек, сурет: egemen.kz