Фото:total.kz
Іс-шараға байланысты қаланың бірнеше көшесінде қозғалыс шектеледі:
- Түркістан көшесі (бір бағыт, Ақмешіт көшесінен Абу-Даби Плазаға дейін): 07:00-ден 08:05-ке дейін жабық;
- Ақмешіт көшесі (бір бағыт, мәреге дейін): 07:00-ден 09:15-ке дейін жабық;
- Ұлы-Дала даңғылы: 07:10-дан 07:40-қа дейін жабық;
- Ақмешіт көшесі (Нұрлан Балғымбаев көшесіне дейін): 07:15-тен 07:50-ге дейін жабық.
«Іс-шара 2012 жылдың тамызында өткен Қазақстандағы алғашқы жүрек трансплантациясына орайластырылған. Транспланттауды үйлестіру және жоғары технологиялық медициналық қызметтер жөніндегі республикалық орталықтың деректеріне сүйенсек, қазіргі уақытта жүрек трансплантациясының күту парағында 4 мыңнан астам адам кезекте тұр. «Жүрегімнің жеңімпазы» жарыс фестивалі осы адамдарды қолдауға және еліміздегі трансплантология мәселелеріне жұртшылықтың назарын аударуды көздейді», деп хабарлады қайырымдылық жарысының ұйымдастырушылары.
Айта кетейік, жарысқа белгілі қоғам қайраткерлері, медициналық және халықаралық ұйымдардың өкілдері, сондай-ақ еріктілер қатысады.
