Кеше жергілікті уақытпен 13 сағат 12 минутта Атырау қаласына таяу орналасқан Жұмыскер елді мекеніндегі Исатай Тайманов атындағы мектепте оқитын оқушылардың бір тобы, дәлірек айтқанда, 21 шәкірт өздерін нашар сезінгендіктеріне шағым білдірген. Кейін анықталғандай олардың барлығы белгісіз заттан уланған.
Шұғыл хабар алысымен аталған мектепке «жедел жәрдем» қызметінің 3 бригадасы дереу аттанып, уланған оқушылардың барлығын облыстық балалар ауруханасына жеткізді. Мұндағы дәрігерлер әзірге анықтала қоймаған, белгісіз заттан уланған 21 оқушының барлығын ауруханада қалдыру жөнінде шешім қабылдады. Олардың барлығына медициналық көмек көрсетіліп, сақтандыру шаралары қолға алынды. Жансақтау бөліміне ешкім жатқызылған жоқ.
Осы оқиғаға орай ауруханаға облыс әкімі Бақтықожа Ізмұхамбетов арнайы барып, жағдаймен қанықты. Құзырлы органдарға оқиға себебін анықтауды тапсырып, сырқаттарға толық ем жасауды міндеттеді деп хабарлады облыс әкімінің баспасөз қызметі. Қазіргі кезде уланған оқушылардың барлығы дәрігерлердің жіті бақылауында.
Жолдасбек ШӨПЕҒҰЛ,
«Егемен Қазақстан».
Атырау облысы.
Соңғы жаңалықтар
Қазақстанның екі өңірінде жол жабылды
Ауа райы • Бүгін, 16:25
Астана даңғылдарының бірі 2 аптаға жартылай жабылды
Елорда • Бүгін, 15:47
Өскеменде бір ай бұрын жоғалып кеткен 19 жастағы қыздың мәйіті табылды
Қоғам • Бүгін, 15:17
Ақтау маңында ірі жол апаты болып, 7 адам ауруханаға жеткізілді
Аймақтар • Бүгін, 14:42
Алаш қозғалысы: 12 том құжаттар мен материалдар жинағы толық жарық көрді
Руханият • Бүгін, 14:03
Шайды қай кезде ішкенде зияны болмайды
Денсаулық • Бүгін, 13:32
