Фото: almaty.kinoafisha.info
Прокуратураның хабарлауынша, екі кінәлі тұлға залдағы өтуге арналмаған орындықты басып өтіп, қасында отырғандардан ескерту алған. Өз кезегінде, екі бұзақы ескерту жасаған кинотеатрдың екі келушісінің денсаулығына жеңіл зиян келтірген.
«Сот үкімімен кінәлі тұлғалар адамдар тобымен жасаған бұзақылық үшін әрқайсысы 2 жылға бас бостандығынан шектеліп, пробациялық бақылау белгіленді. Сондай-ақ олар жыл сайын 100 сағат мәжбүрлі еңбекке тартылды. Олардан әрбір жәбірленушінің пайдасына 2 млн теңге шамасында материалдық және моральдық залал өндірілді», делінген сот хабарламасында.
Сот үкімі заңды күшіне енді.
