Солтүстік Қазақстанда меңгеруші қызметінен босатылды

ПЕТРОПАВЛ. 26 қаңтар. Солтүстік Қазақстан облыстық тәртіптік кеңестің мүшелері   сыбайлас жемқорлыққа қарсы күрес заңнамасын бұрмалаушылыққа жол берді деп кінә тағылған қос басшыны қатаң жазаға тарту туралы шешім қабылдады. Бұл жөнінде egemen.kz тілшісі хабарлады. Есіл ауданындағы Жарқайың бастауыш мектебінің меңгерушісі Кемел Такишев былтыр қазан айында негізгі қызметіне қоса, өзі басқаратын білім мекемесі қазандығының отжағушысы мындетін қоса атқару жөнінде бұйрық шығарған. Алайда, өзге үш отжағушыға бірнеше рет көмектескені болмаса олармен бірдей жұмыс атқармағанына қарамастан, толық жалақы алып отырған. Осы жайт прокуратура тексерісі барысында анықталып, кінәсі толық мойындалған. Ол өз іс-әрекеті үшін ақталуға тырысқанымен, тәртіптік кеңес мүшелерін иландыра алмады. Бастауыш мектеп меңгерушісін қызметінене босату туралы ұсыныс бірауыздан қабылданды. Өмір Есқали. Дерек: egemen.kz. Сурет: nesvish-news.by.