Солтүстік Қазақстанда басқармаға жаңа басшы тағайындалды

ПЕТРОПАВЛ. 26 қаңтар. Солтүстік Қазақстан облысының әкімі Ерік Сұлтановтың өкімімен кәсіпкерлік және туризм басқармасының басшысы болып Керімбек Айдын Жанұзақұлы тағайындалды. Бұл туралы облыстық әкімдіктің баспасөз қызметі хабарлады. А.Керімбек 1984 жылы туған. Жоғары білімді. Қазақ гуманитарлық-заң университетін, Нотимгем университетін (Ұлыбритания) бітірген. Халықаралық құқық саласының маманы, мемлекеттік саясат және басқару магистрі. Еңбек жолын 2004 жылы Алматыдағы жауапкершілігі шектеулі серіктестіктердің бірінде заң және кадрлық жұмыс бөлімінің жетеңшісі ретінде бастаған. 2006-2008 жылдар аралығында Мемлекеттік мүлік және жекешелендіру комитеті заң департаментінің жетекші маманы болып қызмет атқарды. 2008-2011 жылдары Ауыл шаруашылығы министрлігінің әкімшілік қамтамасыз ету департаментінің сарапшысы, басқарма бастығы, директоры лауазымында еңбек етті. 2011 жылдың сәуір айынан бастап осы тағайындауға дейін республикалық бюджеттің орындалуын қадағалау бойынша есеп комитетінің әкімшілік-қаржылық бөлімі меңгерушісінің орынбасары болды. Жолдыбай Базар. Дерек: Солтүстік Қазақстан облыстық әкімдігінің баспасөз қызметі. Сурет: capital.kz.