![Мектеп гимназияның есепшотынан қомақты қаржы жымқырған бас есепші сотталды](/media/2024/09/10/662b8fb75c679671050549-2.webp)
Фото: Хабар24
Іс Медеу ауданының №2 аудандық сотында қаралды.
Алматы қалалық сотының баспасөз қызметінен хабарлағандай, 2019-2023 жылдар аралығында гимназиялардың бірінің бас бухгалтері оқу орнының банктік шоттарына қол жеткізе отырып, Интернет-банкинг арқылы өзінің жеке шотына және тағы басқа адамның шотына ақша аударған.
Келтірілген материалдық шығынның жалпы сомасы шамамен 23 миллион теңгені құрады.
Сотталушы сотта өз кінәсін толық мойындап, бас бостандығынан айырудан басқа жаза тағайындауды сұрады.
«Сот сотталушының кінәсін мойындағаны, куәлардың айғақтары, сарапшылардың қорытындылары негізінде кінәлі деп танып, 7 жылға бас бостандығынан айырды», делінген хабарламада.
Үкім заңды күшіне енген жоқ.