Мектеп асханалары тексеріледі

Қала әкімінің орынбасары Әсем Нүсіпова ыстық тамақ ұйым­дастыру мен санитарлық нормаларды сақтау бойынша топ құру туралы бұйрықтың бекітілгенін мәлімдеді. Алдағы уақытта осы бағыттағы жұмыс күшейтіледі.

Комиссияны қала әкімінің орын­басары, депутаттар, санитар­лық эпидемиологтар, медицина ма­мандары және ата-аналар ­қо­ғам­­дастығының өкілдері кірген ве­домст­воаралық сараптама тобы бас­қарады.

Биылғы оқу жылында жаңа мәзір ұсынылып, асханаларда та­ғам қауіпсіздігіне баға беріл­мек. Қазіргі таңда 328 мектеп бақы­лауда тұр. Мектептердің 322-сі ыстық тамақпен қамтылған болса, олардың 133 мыңнан астамы әлеуметтік осал топтарға жатады.

Қалалық санитариялық-эпи­демиологиялық бақылау департаментінің дерегінше, бүгінгі күні 328 мектеп бақылауға алынған, оның 322-сінде ыстық тамақ үлестіріліп, қалғаны буфет жүйесімен жұмыс істеп жатыр.

– Бүгінде жеке кәсіпкерлерге жалға берілген мемлекеттік мек­теп­тегі асханалар саны – 215. Білім бас­қар­масының мәліметінше, қазіргі кезде 54 мектептің асханасын жалға алушылар ауыс­қан. Олар өздеріне қатысты санитар­лық-эпидемиялық қоры­тын­дыны уақытында алып отыруға тиіс, – деді департамент басшысы Қасым­хан Алпысбайұлы.

Қазақ тамақтану акаде­мия­сының мектептегі тамақтану жөнін­дегі маманы Вероника Улива­но­ва­ның айтуынша, асханалардың өн­дірістік жағдайы санитарлық-ги­гие­налық нормаларға сәйкес­ті­гі­мен қатар, тамақ өнімдеріне мик­ро­­­­биологиялық зерттеулер де жүр­гі­зілуі қажет.

Бұған дейін мәлім бол­ға­нын­дай, Сыбайлас жемқорлыққа қарсы іс қимыл агенттігінің мәлі­метінше, Алматыда мектеп асханаларын жөндеуге 2 млрд теңгеге жуық қаржы бөлініп, оның нарықтағы бағадан 4 есе қым­баттығы анық­тал­ған. Жауап­ты тұлғалар мем­ле­кеттік сатып алу арқылы, осылай­ша, ақша жымқыруға көшкен. Сы­бай­лас жемқорлыққа қарсы іс-қимыл агенттігі мониторинг бас­қар­ма­сының аға офицері Әлі­шер Құмар­бековтің айтуынша, қазір бұл лоттарға тосқауыл қойы­лып, тендер тоқтатылған. Анық­тал­ғанын­дай, әр мектептің асханасын жөндеуге 70-79 миллион теңге көлемінде жұмсамақ болған. Тал­дау барысында мұндай қыз­мет­тер­дің нарықтық бағасы 20 млн тең­генің көлемінде екені белгілі бо­лып отыр. Жыл басынан бері бұл бағытта 71 млн теңгеден ас­там қаражат үнемделді. Соңғы 4 жыл­­да 170 млн теңгенің заңсыз жұ­м­­салуына тосқауыл қойыл­ған. Жауап­тылар техника мен жаб­дық­тар, жанар-жағармай, кең­се та­уарлары, құрылыс жұмыс­та­рына бағаны заңсыз көтеріп отырған.

АЛМАТЫ