Фото Сенаттың баспасөз қызметі
Сенаторлар АЭС құрылысының болашағы және оның ел өміріндегі маңызы туралы егжей-тегжейлі айтып берді. Ләззат Рысбекова жаһандық энергетикалық дағдарыс жағдайында Қазақстанның экологиясы мен болашағы мәселесіне ерекше назар аударды. Оның айтуынша, атом электр станциясы еліміздің энергетика саласының ұзақ мерзімді тұрақтылығын қамтамасыз етудегі басты жоба болады.
«Таза энергиямен қамтамасыз ету – бұл қазіргі жай ғана мәселе емес, бұл болашақ ұрпақтың әл-ауқатына қосылатын үлес. Біз АЭС Қазақстанға энергия тапшылығы мәселесін шешіп қана қоймай, булану газдары шығарындысын барынша азайтатын елдің үлгісі болуға мүмкіндік беретіні туралы айтып отырмыз. Климаттың өзгеруі жаһандық қауіпке айналған жағдайда бұл қадам экономикалық қажеттілік қана емес, сонымен қатар қоршаған орта мен болашақ ұрпақ алдындағы жауапкершілігіміз», деп атап өтті Ләззат Рысбекова.
Батыс қазақстандықтар болашақ атом электр станциясының қауіпсіздігі туралы сұрақтар қойды. Арман Өтеғұлов оған жауап ретінде станцияның сенімділігін қамтамасыз ету үшін қабылданатын шараларды түсіндірді.
«АЭС құрылысы мен пайдаланудың барлық кезеңдерінде қауіпсіздікке басымдық беріледі. Мемлекеттік реттеуші орган лицензия беру мен тұрақты инспекция жүргізуден бастап халықаралық қауіпсіздік қағидалары мен ережелерін сақтауға дейінгі станция операторының қызметін бақылауға толық жауапты болады. Ядролық технологияны жеткізуші атом электр станциясының барлық жабдықтарының жарамды күйіне толық кепілдік береді. Егер құрылымда қандай да бір ақау немесе проблема анықталса, жеткізуші ақаулы жұмыстың кез келген салдарын жоюға толық жауапты болады», деді ол.
