Аустралияның Сидней қаласында өткен айқаста Жәнібек Әлімханұлы 2-раундтың соңына қарай қарсыласын нокдаунға түсір-ген, Михайловичті гонг сыңғыры құтқарып қалды. Дегенмен де Санкт-Петербургте туып, жасөспірім шағынан Жаңа Зеландияға қоныс аударған Андрей Михайлович төзімді-ақ екен. 12 раундтық жекпе-жекті Жәнібек орта жолда аяқтап, қарсыласын ұрып құлатты. Кәсіпқой бокста осы уақытқа дейін 15 айқас өткізіп, 10 жекпе-жекте мерзімінен бұрын жеңіске жеткен Жәнібектің тегеурініне Андрей ақырына дейін төтеп бере алмады. Андрей де осал емес, кәсіпқой бокста өткерген 21 айқасының барлығында жеңіске жеткен жампоз. Тартыстан кейін Жәнібек қарсыласының қауқары қай раундқа дейін жететінін шамалауды жоспар-лағанын айтты. «Жекпе-жек алдындағы баспасөз мәслихатында ол «аузымен орақ орды». Тіпті қызды-қыздымен «нокаутпен жеңемін» деген еді. 5-раундта сұлатып салу туралы ойладық, бірақ оның осы уақытқа дейінгі айтқаны үшін тағы да «сыбағасын» бергіміз келді», деді Жәнібек Әлімханұлы.
Бұл жекпе-жек шілде айында өтуге тиіс еді. Жаттығу барысында Жәнібектің денсаулығы сыр беріп, тартыс кейінге шегерілді. Ауруханада емделгенде Андрей әлеуметтік желіде қарсыласын келемеждеп бейнежазба да түсірді. Бұл әрекетіне жауап қайырған Жәнібек айқас кезінде «аямайтынын» айтқан еді.
Екі нұсқада әлем чемпионы атағын қорғаған саңлақ доминикандық Карлос Адамес (WBC нұсқасы бойынша әлем чемпио-ны) пен кубалық Эрисланди Лараның (WBА нұсқасының алтын белбеу иегері) қай-қайсысымен де айқасуға әзір екенін ескертіп, жекпе-жекке шақырды.
