фото СҚО ӨКҚ
Ғасыр құрдасы өзін әлі де тың сезінеді және ел өміріндегі елеулі оқиғадан қалыс қалуды жөн деп санамайтынын айтады.
«Мен үшін бейбітшілік пен бірлік – ең маңызды құндылықтар. Мен референдумға балаларымыздың, немерелеріміздің болашағы үшін келдім. Еліміздің іргесі берік, тұғыры орнықты болсын», деді ардагер.
Нұрғасым Әжітаев 1925 жылы бұрынғы Семей облысы, Абралы ауданы, Сарықамыс ауылында дүниеге келген. 1943 жылы майданға шақырылып, Новосібірдегі снайперлік училищеде оқиды.
Ардагер екінші дүниежүзілік соғыстың ең ірі шайқастарына, соның ішінде Курск шайқасы мен Берлин штурмына қатысты. Әскери жолы үшін «Жапонияны жеңгені үшін», «ІІ дәрежелі Отан соғысы» медальдарымен және Маршал Жуковтың медалімен марапатталған.
Отбасындағы 7 бала, 10 немере, 9 шөбересі аталарын мақтан тұтады.
