Фото: ТЖМ
Кеше Павлодар облысы Баянауыл ауданы аумағындағы жалпы ауданы 10000 га дала өрті оқшауланды. Төтенше жағдайлар министрлігі бүгін Қарағанды облысы аумағындағы өрттің де оқшауланғанын хабарлады.
8 қазан күні Павлодар облысындағы өрт толық сөндірілгені мәлім болды. Ал Қарағанды облысындағы өрт шалған аумақ көлемі анықталып жатыр.
Айта кетейік, бұған дейін Қарағанды облысы Қарқаралы ауданында ірі өртке байланысты төтенше жағдай жарияланған еді. Өкінішке қарай, осы дала өртін сөндіру кезінде 1991 жылы туған сержант Хали Хайрат қаза тапты.
