Ресейдің белгілі әншісі Жанна Фриске қайтыс болды

АСТАНА. 16 маусым. Ресей эстрадасының белгілі әншісі Жанна Фриске 41 жасқа қараған шағында қайтыс болды. Ол 2013 жылы онкологиялық дертке шалдыққан болатын. Бұл туралы РИА «Новости» хабарлады. Миынан қатерлі ісік табылған әнші АҚШ пен Германиядағы белді емханаларда емделді. Сондай-ақ, оның өнердегі достары мен жанкүйерлері қолдау мақсатында 60 млн. рубль жинап, қаржылай көмек көрсетті. Жүйелі ем-домның арқасында Фрискенің жағдайы айтарлықтай жақсарған еді. Дәрігерлер де өміріне ешқандай қауіп төніп тұрмағанын айтып, мәлімдеме жасады. Алайда, бір-екі бұрын оның тағы да ем қабылдау керектігі белгілі болды. Жанна Фриске көпшілікке Ресей эстрадасындағы «Блестящие» тобы арқылы танымал болды. Аталған ұжымда ол 1996 жылдан 2003 жылғы дейін өнер көрсетті. Топтан кеткеннен кейін жеке шығармашылықпен айналысты және бірнеше фильмде басты рөлдерді сомдады. Еламан Қоңыр. Дерек, сурет: РИА «Новости».