Сурет: primeminister.kz
Қазақстан мен Ауғанстан арасында сауда саласындағы ынтымақтастықты дамытуға зор әлеует бар. Атап айтқанда, Ауғанстанға астық пен ұн экспортын кеңейту және ауған жеміс-жидектерін, көкөністерді, кептірілген жемістер мен басқа да тамақ өнімдерін импорттау. Сонымен қатар еліміз Ауғанстанның экономикалық дамуына және осы елдің халықаралық көлік дәліздеріне қосылуына мүдделі. 2024 жылдың бірінші жартыжылдығының қорытындысына сәйкес Ауғанстаннан еліміз арқылы транзиттік автотасымалдау көлемі 8%-ға артып, 5 мың тоннадан асты. Былтыр транзитпен 10 мың тоннадан аса адам өтті.
«Біздің елдеріміздің арасында Түрікменстан мен Өзбекстан арқылы өтетін теміржол дәлізі бар. Біз Трансауған дәлізі арқылы экспорттық жүктерімізді транзиттеуге мүдделіміз. Пәкістанның (Карачи, Гвадар) теңіз порттары арқылы біз үшін Таяу Шығыс, Оңтүстік-Шығыс Азия, Үнді мұхиты елдерінің нарықтары ашылуда», деп атап өтті С. Жұманғарин.
Ауған тарапына Қазақстан аумағы арқылы Қытайға ауған тауарларының кедергісіз транзиті мақсатында «Khorgos Gateway» құрғақ портын логистикалық хаб пен контейнерлер мен автокөлік құралдарын салу үшін пайдалану ұсынылды.
Сонымен қатар С.Жұманғарин мен Ауғанстанның сауда және өнеркәсіп министрі Нұриддин Азизи өзара тауар айналымын 3 млрд долларға дейін жеткізу жөніндегі Жол картасына қол қойды. Құжат сауда-өнеркәсіп, банк, тау-кен металлургиясы, гуманитарлық және әлеуметтік салалардағы, энергетика секторындағы, көлік және логистикадағы, цифрландырудағы, туризмдегі және басқа да салалардағы ынтымақтастық бағыттарын айқындайды.
