«Ұлттық кітап» қай кітап?

Аталған байқау кітап оқу мәдениетін қалыптастыру, үздік авторларды анықтап, қазақ әдебиетінің, руханиятының дамуына ықпал етіп, аудармашыларды, баспагерлер мен кітап дизайнерлерін қолдау және ынталандыру мақсатын көздейді.

Жүлдеден үмітті жұмыстар 2025 жылғы 15 қаңтар – 1 сәуір аралығында қа­былданады. Конкурсқа кейінгі екі жылда жарық көрген туындылар ғана қатыса алады. Қабылдау мерзімі аяқ­тал­ғаннан кейін түскен жұмыстар тіркелмейді.

Байқауда 10 аталым бар: «Балаларға арналған үздік кітап», «Үздік комикс», «Нон фикшн бағытындағы үздік кітап», «Детектив жанрындағы үздік кітап», «Сатира жанрындағы үздік кітап», «Үздік иллюстрациялық кітап», «Үздік аударма кітабы», «Фантастика жанрындағы үздік кітап», «Үздік бас­па», «Жыл кітабы» (Гран-при сыйлығы).

Додаға қатысатын жұмыс көр­кемдік деңгейі, тіл тазалығы, сөздік қоры, өзіндік стиль, тақырып өзектілігі, маз­мұн тереңдігі, тарихи әділдігі, өнді­рістік сапаның жоғары болуы, дизай­нерлік жұмыстың ерекшелігі сияқты талаптарға сай келуі керек.

Айта кетсек, елімізде Үкімет Қау­лысымен 23 сәуір «Ұлттық кітап күні» мерекесі болып бекітілді. Бұл мереке­лік дата Мемлекет басшысының қоғамда жоғары кітап оқу мәдениетін қалып­тастыру мақсатында үшінші Ұлттық құ­рылтайдың негізгі отырысында берген тапсырмасымен енгізілді.