Маңызды жарыстар күтіп тұр

Тұсаукесер кездесуінде Қазақ­стан құрама командасының капитаны Юрий Щукин Елена Рыбакина, Зарина Дияс, Юлия Путинцева, Анна Данилина, Жібек Құламбаеваға сенім артып отыр. Алғашқы үшеуі жекелеген са­йыста өнер көрсетсе, қалған екеуі жұптық бәсекеде бақ сынайды. Бұл кездесулер 16-17 қараша күндері Астанадағы «Beeline Arena» теннис орталығында өтеді.

Келесі турнир – «United Cup-2025». 27 желтоқсан мен 5 қаңтар ара­лығында Аустралияның Перт пен Сидней қалаларында жалауы желбірейтін жарыста Қазақ­стан, АҚШ, Польша, Италия, Гер­мания, Франция, Испания, Грекия, Норвегия, Чехия, Канада, Қытай, Ұлыбритания, Аустралия, Швейцарияның теннисшілері күш сынасады. Таяу күндері олардың қатары тағы үш командамен толығады. Жасыл құрлықта еліміздің намысын Александр Шевченко, Дмитрий Попко, Елена Рыбакина, Жібек Құламбаева, Александр Недовесов қорғайды. Отандастарымыз С тобында өнер көрсетеді. Қар­сы­­ластарымыз – Грекия мен Испания. Ежелгі Элла­да елі­нің атынан Мария Сак­кари, Сте­фанос Циципас, Дес­пина Папа­михаил, Стефанос Сакел­ла­ридис, Валентини Грам­ма­ти­копулу, Петрос Циципас сайысқа түссе, Пиреней түбе­гінен келетін команда сапында Джессика Бузас Манейро, Паб­ло Карреньо Буста, Марина Бас­сольс Рибера, Карлос Табернер, Ивонн Кавалье-Реймерс, Серхио Мартос Горнес бар.

Жарыс регламентіне сәйкес, алты топтың жеңімпазы, ең жақсы нәтиже көрсеткен екі команда плей-оффқа жолдама алады. Дүбірлі додада бақ сынайтындар қатарында Коко Гауфф, Тейлор Фриц, Даниэль Коллинз, Денис Кудла (АҚШ), Лаура Зигэмунд, Александр Зверев (Германия), Чжэн Циньвэнь, Чжан Чжижэн, Чжан Шуай (Қытай), Ига Швентек, Губерт Гуркач (Польша), Жасмин Паолини, Сара Эррани (Ита­лия), Каролина Мухова, Томаш Махач (Чехия), Каспер Рууд (Норвегия), Диана Парри, Юго Умбер (Франция), Белинда Бен­чич (Швейцария), Алекс Де Минор (Аустралия), Кэти Бултер, Джек Дрейпер, Джо Солсбери (Ұлыбритания) сынды сақа спорт­шылар бар.

Келесі жыл­дың басында Мель­­бурнде өтетін Аус­тралияның ашық біріншілігіне да­­йындық ретінде қарастырылып отыр­ған жарыстың тұсауы 2022 жылы кесілді. Был­тырғы бәсеке Германия құ­ра­­­­ма­­сының жеңісімен аяқталды. ­Фи­налда неміс­тер Польшадан ­басым түсті.

Сондай-ақ 2024 жылдың қоры­тынды турнирінде бақ сынайтын барлық теннис­ші анықталды. Әйел­дер арасындағы додаға еліміздің бірін­ші ракеткасы Елена Рыбакина да қатысады. 2-9 қарашада Эр-Риадта ұйымдастырылатын жарыс­та жерлесімізден бөлек, Ига Швентек (Польша), Арина Собо­ленко (Беларусь), Кори Гауфф, Джес­сика Пегула (АҚШ), Ясмин Пао­лини (Италия), Чжэн Циньвэнь (Қытай), Барбора Крейчикова (Чехия) кортқа шығады.