Қостанайда газ баллоны жарылып, монша кешені жанып кетті

ҚОСТАНАЙ. 16 маусым. Қостанайдағы монша кешенінің екінші қабатындағы газ баллоны жарылып, өрт шықты. Өрт жоғарғы қабаттарға лаулады. Санаулы минуттарда мансарданы қызыл жалын орады. Бұл туралы alau.kz сайтына сілтеме жасай отырып,egemen.kz тілшісі хабарлады. Өртке қарсы қызмет бастығы Дмитрий Полончук: «Тілсіз жау 150 шаршы метрді шарпыды.  Кешеннің бір ғана есігі болғандықтан, өртті ауыздықтау оңайға түскен жоқ. Кешен салынған құрылыс материалы өте тез жанады және одан улы түтін бөлінеді. Тілсіз жау ауыздықталды, бірақ өрт қайта тұтанбас үщін суды мол құйдық» деді. Мамандар өрттің өте күрделі екендігін айтты.  Оған бүкіл гарнизонды көтеруге тура келді. Өртті сөндіруге 8 өрт сөндргіш машина, жеке құрамнан 100 адам қатысты. Өрттің себебі анықталуда. Нәзира Жәрімбетова. Дерек, сурет: alau.kz