Кеңес одағы дәуірінде даңқты Жаңаарқа күрес мектебінің түлегі Қанат Байшолақовтың (48 кг) есімі ерекше құрметпен аталатын. Осыдан тура 40 жыл бұрын, яғни 1984 жылы Испанияның астанасы – Мадридте өткен әлем чемпионатында ол бас жүлдені қанжығасына байлады. Осылайша, Диқанбай Биткөзов пен Марат Жақитовтың шәкірті қазақ самбошылары арасынан шыққан тұңғыш әлем чемпионы ретінде тарихта қалды. Арада бес жыл өткеннен кейін Қанаттың ерлігін Асқар Шайхиев (48 кг) қайталады. Батыр Қуанышевтан тәлім-тәрбие алған Оралдың оғыланы 1989 жылы АҚШ-тың Уэст-Ориндж қаласында алтын тұғырдан қол бұлғады. Ал Жаңаарқаның тағы бір тумасы Сергей Волобуев (74 кг) күміс медальды мойнында жарқыратты.
1992 жылдан бері еліміз тәуелсіз мемлекет ретінде өз туының астында өнер көрсете бастады. Сол кездері самбо күресінің басы-қасында жүрген азаматтар арасында жік шығып, екіге бөлінді. Әрқайсысы федерация құрып, әлемдік доданы жеке-жеке өткізді. Еліміз Беларусьтегі бәсекеге бағыт алды. Минскіде самбошыларымыз алты жүлде олжалады. Ержан Иманжүсіпов (48 кг) пен Сәлкен Жартыбаев (68 кг) күміспен күптелсе, Жанат Байшолақов (62 кг), Людмила Симутина (44 кг), Айсара Керімбекова (48 кг), Сәуле Ғабдуллина (56 кг) қолаға қол жеткізді.
Одан кейінгі әлем чемпионаттарында жүлде алған ел самбошылары:
1993 ж., Омбы (Ресей). Бауыржан Садыханов (52 кг) – алтын; Ғалымжан Сапарғалиев (48 кг), Руслан Сейілханов (82 кг) – күміс; Ғалымжан Жылкелдиев (57 кг), Сәлкен Жартыбаев (68 кг) – қола.
1994 ж., Нови Сад (Югославия, Сербия). Ғалымжан Сапарғалиев (48 кг), Ғалымжан Жылкелдиев (57 кг), Зекен Шәймерденов (62 кг), Сәлкен Жартыбаев (68 кг), Руслан Сейілханов (82 кг) – қола.
1996 ж., Токио (Жапония). Сәуле Ғабдуллина (56 кг) – алтын; Мағрипа Әбішева (52 кг) – күміс; Қорған Тұрымбетов (52 кг), Берік Жетпісбаев (62 кг), Жамал Бозова (80 кг) – қола.
1997 ж., Тбилиси (Грузия). Дінмұхамед Мүсірәлиев (74 кг) – қола.
1998 ж., Калининград (Ресей). Қоныс Жетпісов (52 кг) – күміс; Асхат Шахаров (68 кг), Сәуле Ғабдуллина (56 кг) – қола.
1999 ж., Хихон (Испания). Қоныс Жетпісов (52 кг), Асхат Шахаров (68 кг) – күміс; Раиса Баялиева (64 кг), Алмагүл Кашина (80 кг) – қола.
2000 ж., Киев (Украина). Асхат Шахаров (74 кг) – алтын; Дінмұхамед Мүсірәлиев (82 кг), Раиса Баялиева (64 кг) – қола.
2001 ж., Красноярск (Ресей). Қоныс Жетпісов (52 кг) – алтын; Сәуле Ғабдуллина (56 кг) – күміс; Жанар Дүйсекенова (52 кг), Алмагүл Кашина (+80 кг) – қола.
2002 ж., Панама. Дінмұхамед Мүсір-әлиев (82 кг), Алена Середа (60 кг) – күміс); Татьяна Шишкина (48 кг), Мұрат Досанов (52 кг), Айбек Атажанов (62 кг), Асхат Шахаров (74 кг), Расул Үсенов (90 кг) – қола.
2003 ж., Санкт-Петербург (Ресей). Бірлес Есенғалиев (52 кг), Марат Таханов (57 кг), Қайрат Күнсафин (68 кг) – қола.
2004 ж., Кишинев (Молдова). Асхат Шахаров (74 кг) – алтын; Бірлес Есенғалиев (52 кг), Меңдіхан Жәкенов (57 кг) – қола.
2005 ж., Астана (Қазақстан). Асхат Шахаров (74 кг) – алтын; Дидар Молдағалиев (57 кг), Арсен Хатип (68 кг), Жұлдыз Айтмағамбетова (72 кг) – күміс; Тимур Оңдағанов (62 кг), Дінмұхамед Мүсірәлиев (82 кг), Келбет Нұрғазина (48 кг), Раиса Баялиева (60 кг), Динара Оразбекова (80 кг), Алмагүл Кашина (+80 кг) – қола.
2007 ж., Прага (Чехия). Раиса Баялиева (60 кг) – алтын; Ерболат Байбатыров (52 кг), Азамат Мұқанов (62 кг), Асылбек Әлкей (68 кг) – қола.
2008 ж., Санкт-Петербург (Ресей). Ерболат Байбатыров (52 кг) – алтын; Келбет Нұрғазина (48 кг) – күміс; Азамат Мұқанов (62 кг), Ленария Меңғазова (52 кг) – қола.
2009 ж., Салоники (Грекия). Ерболат Байбатыров (57 кг), Дәурен Жайнақов (57 кг) – алтын; Арман Сәрсенбин (68 кг), Қалжан Тайжанова (68 кг), Әлия Жылқыбаева (72 кг) – күміс; Азамат Мұқанов (62 кг), Асылбек Әлкей (68 кг) – қола.
2010 ж., Ташкент (Өзбекстан). Ерболат Байбатыров (52 кг), Азамат Мұқанов (62 кг) – алтын; Әлия Жылқыбаева (72 кг) – күміс; Арсен Хатип (68 кг), Саят Шәмшиев (82 кг), Ленария Меңғазова (52 кг), Әлмира Исатаева (64 кг), Анар Сейтімова (+80 кг) – қола.
2011 ж., Вильнюс (Литва). Ерболат Байбатыров (57 кг) – алтын; Медет Оңдағанов (52 кг) – күміс; Асылбек Әлкей (68 кг), Раушан Алысбаева (56 кг) – қола.
2012 ж., Минск (Беларусь). Асылбек Әлкей (68 кг), Қалжан Тайжанова (72 кг) – күміс; Кенжезәру Қашқынова (48 кг), Ділбар Өмірәлиева (68 кг), Ерболат Байбатыров (57 кг), Бағдат Жарылғасов (62 кг), Азамат Мұқанов (68 кг) – қола.
2013 ж., Санкт-Петербург (Ресей). Алмас Сүлейменов (52 кг), Ділдәш Құрышбаева (68 кг) – қола.
2014 ж., Нарита (Жапония). Гауһар Тұрмаханова (52 кг) – алтын; Ділдәш Құрышбаева (68 кг) – күміс; Есет Қуанов (62 кг), Асылбек Әлкей (74 кг), Еділ Үсенов (+100 кг) – қола.
2015 ж., Касабланка (Марокко). Бейімбет Қанжанов (52 кг) – алтын; Айгүл Байқұлова (48 кг), Гауһар Тұрмаханова (52 кг) – күміс; Есет Қуанов (62 кг), Ділдәш Құрышбаева (68 кг) – қола.
2017 ж., Сочи (Ресей). Есет Қуанов (52 кг) – алтын; Бейімбет Қанжанов (52 кг), Әлібек Зекенов (90 кг) – күміс; Гүлнұр Ерболова (52 кг), Аида Карчаева (56 кг) – қола.
2018 ж., Бухарест (Румыния). Нұрбол Серіков (68 кг) – алтын; Гүлнұр Ерболова (52 кг) – қола.
2019 ж., Сеул (Оңтүстік Корея). Болатбек Райымқұлов (52 кг), Ділдәш Құрышбаева (68 кг) – күміс; Рахат Жаңаниет (62 кг), Динара Жұмабаева (60 кг), Ажар Салықова (64 кг) – қола.
2021 ж., Ташкент (Өзбекстан). Рахат Жаңаниет (64 кг), Гүлжанат Алмұханбетова (54 кг) – алтын; Ажар Салықова (62 кг), Ділдәш Құрышбаева (68 кг) – күміс; Болатбек Райымқұлов (58 кг), Айдын Дартаев (79 кг) – қола.
2022 ж., Бішкек (Қырғызстан). Қайырберді Айдынбай (58 кг) – күміс; Арнұр Қуантай (71 кг), Гүлжанат Алмұханбетова (54 кг), Ділдәш Құрышбаева (68 кг), Арайлым Әбенова (+80 кг) – қола.
2023 ж., Ереван (Армения). Арайлым Әбенова (+80 кг) – алтын, финалда Орынбордың қазағы Жанар Құсанованы жеңді; Еламан Қойшыбаев (88 кг), Маргарита Бажаева (50 кг) – күміс; Арнұр Қуантай (71 кг), Әлібек Зекенов (98 кг), Гүлжанат Алмұханбетова (54 кг), Шынар Абатова (78 кг) – қола.
