9 қарашадан 10 қарашаға қараған түні қаладан 2 400 текше метр, 188 рейс қар шығарылды.
«Ең алдымен жолдарда кептеліс болмауы үшін өте қарқынды қозғалыс аймақтары, кейін орташа қарқындылығы бар учаскелер-алаңдар, вокзал маңы, тротуарлар, әлеуметтік нысандарға кіретін жолдар және т. б. орындар қардан тазартылады», - деп хабарлады Астана әкімдігі.
Қалада бірнеше жабдықталған қар полигондары бар. Ол жерге бейнебақылау камералары орнатылған, жарықтандыру қосылған.
Ауа райының қолайсыздығына байланысты Астана әкімдігі қала тұрғындары мен қонақтарынан жазатайым оқиғаларды болдырмау үшін көшеде жүргенде өте мұқият әрі сақ болуды сұрайды.
