Жауынгерлік әзірлікті «жедел тестілеу»

«Оңтүстік» өңірлік қолбасшылығы әскери қызметшілерінің жауынгерлік әзірлігін «экспресс-тест» арқылы тексеруде. Жеке құрамның кәсіби дайындығын, далалық машығын тексеру, дене даярлығы мен жауынгерлік дағдыларын арттыру үшін «Оңтүстік» өңірлік қолбасшылығында арнайы «экспресс-тест» енгізілді. Ол атыс және дене даярлығы бойынша тұтас жаттығулар кешенін қамтиды. Атап айт­қанда олар: ЖӘЖМ-2, Т-72 және АК-74 қару-жарағынан жеке және взвод құрамында ұзақ қашықтыққа оқ ату, қол гранаталарын лақтыру, АРД кедергілер жолағын еңсеру, взвод құрамында жауынгерлік машинаны басқару, белтемірге тартылу, 24 кило гір тасын жұлқи көтеру, 5 шақырымға жүгіру. «Экспресс-тест» «Мә­ті­бұлақ» (01098 ә/б) және «Отар» 40-шы әскери базасының (30212 ә/б) оқу-жаттығу по­ли­гондарының базасында төрт күн өткізілді. Бұл уақыт ішінде мотоатқыш, танкті, инженерлік-саперлік взводтар, минаатқыш батареялар мен мергендік жұптар құрамына қарасты бөлімдердің 350-ден астам әс­кери қызметшісі тексерістен өтті. Тестілеу қо­рытындысы бойынша бір­қатар мотоатқыш, танкті, инженерлік-саперлік взводтар мен минаатқыш батареясы белгіленді. «Егемен-ақпарат».