Қазақы тазылар көрмесі

Облыста 50-ге жуық қазақы тазы бар көрінеді. Көрмеге өңір­ден олардың 20-сы қатысты. Шымкенттік кинолог Нина Ясизова ақтөбелік тазыларды жарыс­тырып көрді. Дене бітімін, аяқ сүйек­терін, тісін, тырнағын байқап, қандары­ның та­залығына назар аударды. Бар­лық талапқа сай келген Тал­ғат Ер­ма­ған­бетовтің 3 жасар Лашы­ны көрме жеңім­пазы атанды. Бұл тазы осы­ған дейін де екі мәрте облыс­тық жарыс­та жүлдегер болған екен. Екін­ші, үшінші орындар­ды Құмай және Ақтабан бө­лісті. Көр­мені ұйым­дас­ты­ру­шылардың мәлімдеуін­ше, Ақтөбенің қаны таза 15 иті Қа­зақ­­стан кинологтар одағы­ның тіркеуіне алынғ­ан. Бұл бірлестіктің алдағы мақсаты – тазы санын көбейту және тұқ­ымын асылданды­ру, бүкіл­әлем­дік кинологтар одағына кіру. «Қан­­сонарда» қоғамдық бірлестігі күзге салым тағы да тазы өсірушілердің көрмесін өткізбекші. Сатыбалды СӘУІРБАЙ, «Егемен Қазақстан». Ақтөбе облысы.