ДАҒДАРЫСТЫ ЖЕҢГЕН ЛЕВИННІҢ КӘСІБІ

“Тек өзіңнің сүйікті ісіңді тауып, оны жақсы етіп жасауға ұмтылу ке­рек”. Петропавлдағы өзі аттас жиһаз кә­сіпорнының негізін қалаушы кә­сіпкер Владимир Левиннің дағдарысқа қарсы дәруі міне осындай. Владимир Давыдович өзінің сүйікті ісін бұдан жиырма жыл бұрын, атап айтқанда, 1989 жылы бастаған еді. Ол алдымен жиһаз өндірісінде маман болып істеді. Ал қазір кәсіпкердің биз­несі дамудың жаңа серпініне ие болды. Қазкоммерцбанктен алған несие қар­жыландырудың сапалы секірісін қам­тамасыз етті. Ол “Самұрық-Қазына”, “Даму” мемлекеттік қорларымен ке­лі­сім шеңберінде жүзеге асты. Бұл қор­лар өңдеуші өнеркәсіп саласында істей­тін кәсіпкерлерді қаржыландыруға машықтанған. Кәсіпкерге отандық биз­несті дағдарысқа қарсы қолдау мақ­са­тында бөлінген төртінші транштың шең­берде 32 миллион теңге мөлшерінде несие берілді. – Владимир Давыдовичтің кәсіпорны бізге жақсы таныс, – дейді “Қазкоммерцбанк” АҚ Петропавл филиалының директоры Талғат Сұлтанғазин. – 2007 жылдан бастап жиынтық­­ты, жұмсақ және ағаш жиһаз өндіріп, сатумен айналысатын “Левин” ЖК Қазкомның клиенті болып табылады. Бізге кәсіпкердің іскерлік мақсаткерлігі мен өз ісіне деген сүйіспеншілігі өте ұнайды. Ол әркез алға қарай ұмтылып отырады. Өзінің жеке үйінің бірінші қабатын шеберхана етіп жабдықтаған Левин, 1991 жы­лы бес жалдамалы жұмысшымен бірге жеке өн­дірісінде станоктармен ағаштан алғашқы бұй­­­ымдар жасауды бастады. Содан бері кә­сіпорын өсіп, өркендеді. Іскер жан жекемен­шік дүкендер ашты. Қазіргі таңда өзіндік технологиясы бар бәсекелестікке қабілетті өндіріс орны екені баршаға аян. Кәсіпорын толық тізбекті өндіріске ие. Ол өнім өндіруден бастап дайын бұйымдарды сатуға дейін ау­қымды жұмыстар атқарады. Мынаны атап айтқым келеді, “Левин” ЖК Солтүстік Қа­зақстан облысындағы өнеркәсіптік ауқымдағы ағаш жиһаздарын өндіретін жалғыз өндіруші. Кәсіпорынның ерекшелігі тек дербес тапсы­рыс бойынша жиынтықты жиһаз жасауға ма­манданғанын атап айтқан жөн. Бұл оның фир­малық белгісі. Тұрғындар жиһаз жасау­шы­лардың бұйымдарын тұтынуға ерекше құштар, өйткені өнім жоғары сапасымен ерекшеленеді. Әзірге тапсырысшы тарапынан шағым түсіп көрген жоқ. Кәсіпорын жиһаздың сан алуан түрін жа­сайды. Атап айтқанда тұрғын, кеңселік және салонға арналған тәрізді көз жауын алатын бұйымдар еліміздің түрлі өңірлерінде өтімді. “Левиннің” өнімі Петропавлда ғана емес, сондай-ақ Жезқазғанда, Павлодарда, Қара­ған­дыда, Астанада, Көкшетауда, Ақтауда, Степно­горда сұранысқа ие. Әрине, несие алу кәсіпкерге үлкен қолдау болғандығын банктегілер мақтанышпен айта­ды. Қазір несиелік ресурстарға қолжетімділік қиындай түскен. Оны алу үшін алдымен өндірісті өркендету, сондай-ақ айналымдағы қаржыны барынша тиімді жұмсау тәрізді талаптар қойылған. – Берілген несие бойынша мөлшерлеменің талабы да қатаң, бірақ оның жеңілдетілген шарттары да бар, деп сөзін одан әрі жалғады “Қаз­коммерцбанк” АҚ Петропавл филиа­лы­ның директоры Т.Сұлтанғазин мырза. – Мәселен, біз негізгі берешекті өтеу бойынша 24 айлық кезеңге жеңілдік береміз. Осылайша, кәсіпорын қажетті жабдық алуына, оны орнатып, жұ­мыс­ты бастауына болады. Сонымен бірге өнім шығарып, табысқа кенеле бастай­ды. Ал кепілге қою мәселесіне келетін болсақ, ол заемшыға банктің стан­дарт­ты жағдайында беріледі. Тағы да мынаны атап өткім келеді, банкке де өндірістік сектор қызықты, өйткені ол отандық өнімді өндіріп, нақты өндіріс құрайды. Біз өндірістік бизнесті белсенді түрде несиелейміз және де мемлекеттік бағдарламаға қатысушы ретінде өндірісшілерге күрделі кезеңді еңсеріп, дағдарыстан нығайып шығуы­на мүмкіндік береміз. Владимир Давыдович берілген не­сие­ні бизнесті одан әрі дамытуға мүм­кіндік беретін тетік ретінде ерекше бағалайды. – Қазкомға және “ДАМУ” қорына несиені қайта қаржыландыру мүмкіндігі үшін үлкен рахмет. Төмендетілген мөлшерлеме бойынша несиені төлеу едәуір жеңілдей түсті, деп кәсіп­кер Левин мойындайды. – Әйткенмен, біздің кәсіпорын дағдарысты сезінбей қалған жоқ. Қазкомның және “ДАМУ” қорының арқа­сында біз алдағы күндерге деген сенімі­мізді жо­ғалт­пай, жұмыс орындарын сақтадық. Тұ­тыну­шыларға қажетті жиһазды өндіруді тоқ­тат­қан жоқпыз. Оның қолжетімді бағаға және жо­ғары сапаға ие болуына күш-жіге­рімізді жұм­садық. Төккен теріміз текке кетпеді. Кәсіп­орынның жұмысы қазіргі таңда қалыпты. Өз ісіңе сенсең, алынбайтын қамал жоқ екен. Жә­не де жақсы әріптестер жаныңнан табылып жат­са, кез келген жағдайда, жаңа жоспарлар құ­рып, жүзеге асыруға болады. Мемлекет тара­пы­нан жасалған үлкен қолдау деп осыны айтқан абзал. … Міне осылайша, Левиннің ісі дағдарысты бірте-бірте еңсеріп келеді. Динара ҮСІПОВА.