Зерек

Дарынды жасты қарға­дайы­нан қанаттың астына алып, қамқорлық жасау, тұма бұ­лақ­тың көзін ашып, өркенін өсіру жолындағы 1-7 сынып оқу­шылары арасында өткізіліп келе жатқан оқушылардың республикалық шығармашылық «Зерде» конкурсы биыл көрікті Көкшетаудың баурайындағы «Балдаурен» кешенінде өтті. Бұл білім сайысына Отанымыздың төрт бұрышынан 300-ге таяу талапкерлер қатысты. Олардың қатарында барлық облыс өкіл­дерімен бірге, Астана және Ал­маты қалаларының, Назарбаев зияткерлік мектептерінің үміт­керлері де болды. Ережеге бай­ланысты конкурсқа қаты­сатын талапкерлер үш кезең бойынша іріктеуден өткен. Оның бірін­шісі мектепте, екіншісі об­лыс­та жалғасып, үшіншісі респуб­ликалық деңгейде болды. Оқушылардың зерделеу жұ­мыстары 8 секция бойын­ша қабылданған. Ондағы бас­ты пәндер: қазақ тілі мен әдебиеті, орыс тілі мен әдебиеті, математика, информатика, физи­ка, техника, медицина, био­ло­гия, тарих, экология – осы­лай жалғасып кете береді. Жыл сайын өтіп келе жатқан дәстүрлі байқаудың ашылу сәтінде республикалық «Дарын» орта­лығының директоры Шолпан Қирабаева бұл шығармашылық конкурс болашақта талантты анық­таумен бірге, еліміздің ер­теңіне өз үлесін қосатын білімді ұрпақты тәрбиелеу мақсатында ұйым­дастырылып келе жатқанын алға тартты. Осы дәстүрлі шараға жыл сайын қазылық жасап келе жатқан профессор Тілеген Садықов баули білсек, талантты жастардың жұрты­мызда аз емес екендігін алға тартып, ондай ұл мен қызды ата-ана, мектеп ұс­таз­дары көзден таса етпей, көңіл­ден шығармай, қам­­қорлық жасау қажеттігін атап өтті. Осын­дай жастардың ара­сы­нан ер­тең Отанымыздың намы­сын қор­ғайтын, алдыңғы тол­қын­ның ізін басатын ұрпақтың өсіп шы­ға­т­ынын, ондай үрдістің қазір­дің өзінде қалыптасқанын жеткізді. Үш күнге созылған білім жа­рысында жүзден жүйрік шық­­қан­дарға І, ІІ, ІІІ дәрежелі диплом­дар тапсырылса, барлық қатысу­шыларға сертификаттар берілді. Сүлеймен МӘМЕТ, «Егемен Қазақстан».