Жобаның бастапқы қадамы шатырсыз жабынды (өздігінен кебетін жабын) жобалау бойынша техникалық шешімді талқылаудан басталды. Бұл тәсіл ғимараттарды пайдалану әрі қызмет ету мерзімін ұзартады. Жартылай желдетілетін, өздігінен кебетін жаңа технологияға негізделген жобаның басты ерекшелігі құрылыс материалдарын тиімді пайдалану, сонымен қатар ғимаратты тозбаудан, су өткізбеуден сақтауға ықпал етеді.
Қазақ бас сәулет құрылыс академиясының ректоры Маргарита Имандосованың айтуынша, жастардың ғылым мен инновацияға қосып жатқан үлесі қомақты. Бұл университет ғалымдарының еліміздегі құрылыс саласына жаңа технологиялар мен шешімдер әзірлеудегі игі қадамы. Студенттер мен жас ғалымдардың осындай тың жобалары отандық құрылыс индустриясына тың серпін береді.
Қазіргі таңда жас ғалымдар мен зерттеушілердің жетістіктері академияның ғылым және инновациялар проректоры, PhD Жанғазы Молдамұратовтың жетекшілігімен жүзеге асып жатыр.
Жалпы құрылыс факультетінің ассистент-профессоры Айдана Қуанышбайдың айтуынша, бұл шешім «Alumen Group» компаниясы үшін ғана емес, еліміздің барлық құрылыс саласына тиімді болмақ. Жас ғалымдар қолданатын жаңа материалдар, оның ішінде битумды-полимерлі, эластомерлі және термопластикалық жабындар, армирленген мастикалар, құрама темірбетон плиталары ғимараттардың құрылымдық беріктігін қамтамасыз етеді. Инновациялық шешімдермен қоса дыбыс өткізбейтін пәтераралық қабырғалар макеті де ерекше назар аударуға тұрады. Бұл конструкция екі жағынан металл жақтаумен құрастырылған. Екі қабатты металл жақтауларның ені 50 мм метеллярлық профильдерден жасалған. Ондағы бағыттаушы профильдер бір-бірінен 10 мм қашықтықта орнатылған. Екі металл жақтауларының шеттерінде екі қабатты қаптамалары бар. Арасындағы тігістер кептірілмейтін силикон тығыздағышпен өңделеді.
Егер жас ғалымдардың құрылысқа арнап жасаған инновациялық шешімдері коммерцияланып, өндіріске енетін болса, онда құрылыс нарығы заманауи, экологиялық жаңа өніммен толығары сөзсіз.
АЛМАТЫ
