Фото: Видеодан алынған кадр
«Ұшақ апаты салдарынан жақындарын жоғалтқан адамдарға шын жүректен көңіл айтамыз. Бүгін біздің партияластар зардап шеккендерге қажетті қан тапсырып жүр. Барлығының тезірек сауығып кетуін тілейміз», деді «Аmanat» партиясы «Жастар рухы» жастар қанатының төрайымы Ақерке Ескендірова.
Еске салайық, бүгін Бакуден Грозныйға (J2-8243) ұшқан Әзербайжан әуе жолдарының Embraer 190 жолаушылар ұшағы Ақтау әуежайынан үш шақырым жерде апатқа ұшыраған.
Төтенше жағдайлар министрлігі ұшақ бортында 69 адам, оның ішінде 5 экипаж мүшесі болғанын хабарлады. 28 адам ауруханаға жатқызылды, оның екеуі бала екені мәлім болды.
