Фото: gov.kz
Оған әлемнің 57 елінен 2000-ға жуық спортшы қатысады. Жарыста спорттың 11 түрінен 90 медаль жиынтығы сарапқа салынады.
Еліміздің намысын 10 спорт түрінен (биатлон, шаңғы жарысы, қысқы спорттық бағдарлау, фристайл, мәнерлеп сырғанау, шайбалы хоккей (ерлер, әйелдер), парашаңғы жарысы, тау шаңғысы жарысы, шорт-трек) 103 спортшы қорғайды.
Дүниежүзілік ХХХІІ қысқы универсиаданың салтанатты ашылу рәсімі 13 қаңтар күні сағат 19:30-да Турин қаласындағы «Inalpi Arena»-да өтсе, жабылу рәсімі 23 қаңтарда сағат 20:00-де өтеді.
Универсиаданың мақсаты – жастар мен жасөспірімдерді спортқа ынталандыру, салауатты өмір салтын насихаттау, бұқаралық спортты дамыту, сондай-ақ жастардың белсенді өмір салтын қалыптастыруға ықпал ету.
Ғылым және жоғары білім министрлігінің баспасөз қызметінің мәліметінше Қазақстан студенттік құрама командасы ең үздік нәтижені 2017 жылы Алматыда өткен универсиадада көрсетіп, жалпы медаль есебінде екінші орын 36 медаль (11 алтын, 8 күміс, 17 қола) жеңіп алған.
