Фото: gov.kz
Әлемдегі ең ауқымды студенттік спорттық додада Қазақстанның мемлекеттік туын фристайлшы Аяулым Әмренова мен хоккейші Абылайхан Сүлейменов алып шығады.
Аяулым Әмренова – фристайл бойынша ұлттық құраманың үздік спортшыларының бірі. Оның қоржынында 2017 жылғы Еуропа кубогы кезеңдерінің алтын, күміс және қола медальдары бар. Сондай-ақ ол Қазақстан атынан 2018 жылы Пхёнчханда және 2022 жылы Бейжіңде өткен екі Олимпиада ойындарына қатысқан.
Абылайхан Сүлейменов – отандық хоккейдің жарқын жұлдызы, «Номад» командасының ойыншысы. Ол жастар лигасы, төрт ұлттық турнир, Қазақстан кубогы, Континенталь кубогы, сондай-ақ, АҚШ-та өткен ХХХІ Дүниежүзілік қысқы универсиадаға қатысқан. Сол универсиадада Қазақстанның хоккей құрамасы үшінші орынды иеленген еді.
