Сурет: olympic.kz
Ұлттық құраманың жаттықтырушылар штабы жекелей сында Михаил Шайдоров, Диас Жиренбаевқа сенім артпақ, қосалқы қатысушы Рахат Бралин де қатарда. Әйелдер арасында Софья Самоделькина мен Софья Фарафонова сынға түссе, қосалқы қатысушы Анна Левковец те Харбинге барады. Мұз үстіндегі би сайысына Гаухар Наурызова мен Байсанғұр Дәтиев жұбы қатысады.
Қысқы Азия ойындары соңғы рет 2017 жылы Жапонияның Саппоро қаласында өтті. Мәнерлеп сырғанаудан Сочи қысқы Олимпиадасының (2014) қола жүлдегері Денис Тен жарақаты сыр беріп, жүлдеге жете алған жоқ. Әйелдер додасында Элизабет Тұрсынбаева қола жүлде еншіледі.
