Алғашқы айналымда бос болған Юлия Путинцева келесі кезеңде чехиялық Маркета Вондроушеваға жол берді. Елена Рыбакина америкалық Кэти Волынец пен мысырлық Онс Жаберді жеңгенімен, жартылай финалда Белинда Бенчичтен ұтылды. Кезінде әлемдік рейтингте төртінші орынға дейін көтерілген Швейцария өкілінің мықты ойыншы екені шүбәсіз. Ол US Open додасының жартылай финалына шыққан, WTA турнирлерін тоғыз рет ұтқан. Десек те соңғы үш-төрт жылда Белинда қарқынын біраз бәсеңдетіп алып, қазіргі кезде үздіктер тізімінде бар-жоғы 65-орында тұр. Міне, сол спортшыға Еленаның әлі жетпеді, есеп – 6:3, 3:6, 4:6. Осы жеңіс Бенчичті қанаттандырса керек, финалда АҚШ теннисшісі Эшли Крюгерді 4:6, 6:1, 6:1 есебімен қапы қалдырды.
Еске сала кетейік, Е.Рыбакина былтыр осы турнирде топ жарған болатын.
