Осы жылдың 1-5 ақпаны аралығында Дубай қаласында арнайы күштердің 6-шы халықаралық турнирі өткен болатын. Жылдам қимылдайтын арнайы жасақ инспекторы, полиция капитаны Лаура Төлекова Ішкі істер министрлігінің арнайы мақсаттағы бөліністерінің әйел қызметкерлерінен құралған «Томирис» командасының құрамында үздік өнер көрсетті,
SWAT Challenge халықаралық жарысында 100-ден астам елдің күштік құрылымдары арнайы бөліністерінің қызметкерлері бақ сынасқан. Биыл алғаш рет бұл жарыста ерлермен қатар қатысқан әйелдер қиын тапсырмаларды орындап шықты.
Жарыстың үшінші күнінің қорытындысы бойынша 50-ден аса команданы басып озған «Томирис» командасы барлық сынақтан сәтті өтіп, ерлер командаларымен терезесі тең өнер көрсетті. Полицей қыздардың әбжіл қимылы арқасында әйелдер арасында Қазақстан құрамасы екінші орынды иеленді.
