Экология • 17 Ақпан, 2025

Экожүйені сақтауға 2,5 млрд текше метр су жіберіледі

189 рет
көрсетілді
1 мин
оқу үшін

Су ресурстары және ирригация министрлігі қоршаған ортаны қорғау үшін биыл 2,5 млрд текше метр су жіберуді жоспарлап отыр, деп хабарлайды Egemen.kz.

Экожүйені сақтауға 2,5 млрд текше метр су жіберіледі

Фото: Су ресурстары және ирригация министрлігінің баспасөз қызметі

Су шаруашылығы ғимараттарын дамыту департаментінің директоры Құдайберген Қорғанбаевтың айтуынша министрлік 219 көлді суға толтыруды, 204,2 мың гектардан астам шабындық алқап пен 5,23 мың гектар орманды жерді сумен қамтамасыз етуді жоспарлап отыр.

«Бұл – су көздеріне жақын орналасқан аудандардағы экологиялық жағдайды және сумен жабдықтауды жақсартады. Барлық іс-шараларды жүзеге асыру құрғақшылық қаупін азайтуға, жем-шөп алқаптарының сапасын жақсартуға, ауыл шаруашылығы мен жергілікті экожүйенің тұрақты дамуына тиімді ықпал етеді», деді ол.