Елбасының қатысуымен өтетін алдағы іс-шаралар аңдатпасы

АСТАНА. 4 мамыр. Қазақстан Республикасы Президентінің баспасөз қызметі Мемлекет басшысының қатысуымен өтетін алдағы іс-шаралар аңдатпасын жариялады. Бұл туралы akorda.kz хабарлады. 5 мамырда Мемлекет басшысы Еуропалық комиссияның бұрынғы төрағасы Ж.Баррозуды қабылдайды деп жоспарланған. 6 мамырда Ақордада мемлекеттік наградалар тапсыру, сондай-ақ, әскери және арнайы атақтар беру рәсімі өтеді. Сол күні Отан қорғаушылар күніне арналған салтанатты концерт болады. 7 мамырда Астанада әскери парад өтеді. Мемлекет басшысы И.Панфиловтың елордадағы ескерткішінің ашылу рәсіміне қатысады. Сонымен қатар, Қазақстанға ресми сапармен келетін Қытай Халық Республикасының төрағасы Си Цзиньпинмен келіссөздер өткізу жоспарланған. 8 мамырда Нұрсұлтан Назарбаев «Отан қорғаушылар» монументіне гүл қою рәсіміне қатысады. Сол күні Мемлекет басшысы ТМД елдерінің мемлекет басшыларының бейресми кездесуіне, сондай-ақ, Жоғары Еуразиялық экономикалық кеңестің отырысына қатысу үшін Мәскеу қаласына аттанады. 9 мамырда Қазақстан Президенті Мәскеуде Жеңіс күніне арналған мерекелік шараларға қатысады. Еламан Қоңыр. Дерек, сурет: akorda.kz.