Конкурсқа қатысушылар қысқа уақытта «Қызылорда облысы есірткіге қарсы!» және «Есірткі қылмысына қарсы іс-қимыл басқармасы» эмблема-логотипін жасап шықты. Ұсынылған жұмыстардың көркемдік деңгейі мен ерекше идеяларды ескеріліп, әдетегідей 3 орын емес, он жүлде белгіленді. Осылайша байқауға қатысушыларға үш бірінші, үш екінші және төрт үшінші орындар берілді.
Бірінші орынды Шиелі ауданының №127 мектеп-лицейінің оқушысы Мақсат Рыспанбетов, Арал ауданының №14 орта мектебінің оқушысы Еркебұлан Қосанов және Шиелі ауданының №244 орта мектебінің оқушысы Бексұлтан Тілеуберген иеленді. Екінші орынға Аяулым Қорғанбек (Жалағаш ауданының №188 орта мектебі), Еркебұлан Аябек және Әсет Қуаныштың (Сырдария ауданының №№132,44 орта мектептері) жұмыстары лайық деп танылды. Үшінші орын жүлдесін Аян Құрбан (Шиелі ауданының №244 орта мектебі), Қуаныш Қасымов (Арал ауданының №260 орта мектебі), Данияр Оразбаев (Қармақшы ауданының №269 орта мектебі) және Гауһар Абдулахан (Жаңақорған ауданының №110 мектеп-лицейі) алды.
Полицейлердің айтуынша ең үздік жұмыстар ресми логотип ретінде қабылданады.
