Қостанай облысында ауылдағы өрттен екі адам қаза болды

ҚОСТАНАЙ. 10 ақпан. Қостанай облысы Меңдіғара ауданының Первомай селосындағы бір үйден өрт шыққан. Адам шығыны бар. Бұл туралы egemen.kz тілшісі хабарлады. Өрт төрт пәтерлі үйдің екінші пәтерінен шыққан. Өртті облыстық төтенше жағдайлар департаменті Меңдіғара аудандық өрт сөндіру бөлімінің, жедел тобының және аудандық ішкі істер бөлімінің техникалары мен он бес адам қатысқан құрамы келіп жарты сағатқа жетпейтін уақытта сөндіріп алды. Өртенген үйден екі ер адамның мәйіті табылды. Олардың екеуі де 1976 жылы туған, жұмыссыздар. Өрт отқа абай болмағандықтан шыққан. Мәйіттер сот-медициналық сараптауға жіберілді. Нәзира Жәрімбетова. Дерек, сурет: egemen.kz.