Ұлттық киім киген жас күйшілер «Адай», «Балбырауын» және «Ерке сылқымды» тартып, қала көшелерін ерекше әуезге бөледі. Өскелең ұрпақ бойында рухани-адамгершілік құндылықтарын қалыптастыру, ұлттық музыкалық мұраны сақтау мен насихаттауды мақсат еткен игі шара жас домбырашылардың басын қосып, дәстүрлі музыканың ерекшелігін паш етті.
Қала тұрғындары мен қонақтарына арналған музыкалық іс-шаралар әлі де жалғасын таппақ. Концерттер, театр қойылымдары, спорттық жарыстар мен жәрмеңкелерге дайындық аяқталып, қала көшелері мерекеге сай безендірілді. «Көк-Төбе» саябағында, Абай алаңында, Панфилов жаяу жүргіншілер көшесінде, Арбат, Астана алаңында Наурызнама онкүндігі аясында жүзден астам түрлі іс-шара өтеді деп жоспарланған.
АЛМАТЫ
