Фото: Экология және табиғи ресурстар министрлігінің баспасөз қызметі
Ауқымды акция аула, саябақ, сквер, көше, қоғамдық орындарды қоса алғанда, қалалық аумақтарда тазалық жұмыстарын жүргізуге бағытталып, оған жергілікті тұрғындар, оқушылар, кәсіпорын өкілдері, студенттер қатысты.
800 тоннадан астам қалдық жиналып, 23 мыңнан астам жасыл желек отырғызылған. Іс-шараға 88 мыңға жуық адам қатысқан, олардың 2 мыңнан астамы еріктілер.
Айта кетсек, 27 наурызда тағы 3 акция басталды:
«Таза кәсіп – таза аймақ» аясында оңтүстік және батыс өңірлердегі бизнес-субъектілердің аумақтарын жинау және көгалдандыру ұйымдастырылып жатыр. «Қала үшін ағаш» акциясы шеңберінде өңірлердің кәсіпорындары ортақ пайдаланылатын аумақтарға ағаштар отырғызса, ерекше қорғалатын табиғи аумақтарда «Таза аймақ» акциясы басталып, оның шеңберінде барлық 14 ЕҚТА және оған іргелес елді мекендердің аумақтарында наурыз-сәуір айларының соңғы күндері тазалау жұмыстары жүргізіледі.
