«Disney Wiki» сайтының мәліметінше, 1977 жылдан бастап әйгілі Микки Маусты дыбыстаған америкалық актер Уэйн Оллвайн бұл рөлді 32 жыл бойы үздіксіз сомдап келген. 1991 жылы ол мультфильмдегі Миккидің сүйіктісі – Минни Маустың дауысын дыбыстаған актриса Русси Тейлорға үйленеді. Осылайша, экрандағы қос ғашық шынайы өмірде де үлгілі жұпқа айналады. Кейін ерлі-зайыптылар түрлі жобаларда қатар еңбек етіп, анимация саласына зор үлес қосты.
Айтпақшы… Микки мен Минни Маус — әлемге әйгілі мультфильм кейіпкерлері. Олардың тарихы мен ерекшеліктері туралы көпшілік біле бермейтін қызықты деректер бар.
- Микки Маус бастапқыда «Мортимер» деп аталған. Алайда Уолт Диснейдің жұбайы Лилиан бұл атауды тым ресми деп қабылдап, оны «Микки» деп өзгертуге кеңес берген.
- Микки Маус алғаш рет 1928 жылы 18 қарашада «Steamboat Willie» мультфильмінде көрерменге ұсынылды. Сол күннен бастап бұл дата оның «туған күні» ретінде аталып өтеді.
- Микки Маус мультфильм әлеміндегі алғаш сөйлеген кейіпкер болды. Оның алғашқы сөзі — «Hot dogs!»
- Миккидің ақ қолғап киюінің себебі, Уолт Дисней балаларға тышқанның тырнақтары тым өрескел болады деп ойлаған. Ал ақ қолғап керісінше тышқанды сүйкімді етіп көрсетеді.
- Микки Маус әр елде әртүрлі аталады: Италияда — Тополино, Финляндияда — Микки Хирри, Францияда — Мишель Сорис, Жапонияда — Микки Маусу деген секілді.
- Минни Маус 1920-жылдардағы сән үлгісін бейнелейтін «flapper girl» стилінде жасалған. Оның қызыл нүктелі көйлегі мен үлкен бантигі сән әлемінде танымал символға айналды.
