Фото: Ашық дереккөз
Министрдің айтуынша, Түркістан өңірінде қытайлық инвестордың қатысуымен мақтаны өңдеуден бастап дайын өнім шығаруға дейінгі толық циклды тоқыма комбинаты салынып жатыр.
«Мен бұл кәсіпорынға алғаш келгенімде, жоба енді басталып жатқан еді. Қазірдің өзінде нәтижесі таңғаларлық», деді Серік Жұманғарин.
Сондай-ақ, министр шетелдік инвестициялардың өңірлік экономиканың дамуына тікелей әсер ететінін атап өтті.
«Саудасыз инвестиция болмайды. Алдымен нарықты сауда арқылы зерделейміз, содан кейін ірі жобаларды іске асырамыз», деді ол.
Бұған дейін Серік Жұманғарин Қазақстан Орта дәліз арқылы жүк тасымалдау көлемін 10 млн тоннаға жеткізуді жоспарлап отырғанын мәлімдеген еді.
Сонымен қатар, министрдің айтуынша, Қытай мен Орталық Азия арасындағы тауар айналымы $95 млрд-қа жеткен.
