Жарқын жеңісімен құттықтады

Қазақстан Президенті Нұрсұлтан Назарбаевтың атына мемлекет, үкімет басшыларынан, халықаралық ұйымдардың жетекшілерінен сайлаудағы жеңісіне байланыс­ты құттықтаулар әлі де келіп жатыр Елбасы Нұрсұлтан Назар­баевтың атына Бельгия ко­ролі Филипптен құттықтау же­делхаты келді, деп хабарлады Президенттің баспасөз қызметі. Бельгия королі Нұрсұлтан Назарбаевтың президенттік лауа­зым­дағы биік парызын орындауына байланысты құттықтауы мен жылы тілегін жолдаған. Филипп, сондай-ақ, Қазақстан халқына татулық пен келісім, бақ-береке тіледі. * * * Елбасы Нұрсұлтан Назар­баевтың атына Еуропа­дағы қауіпсіздік және ынты­мақ­тастық ұйымының Бас хатшысы Ламберто Занньерден құттықтау жеделхаты келді, деп хабарлады Президенттің баспасөз қызметі. Л.Занньер Қазақстан мен ЕҚЫҰ арасындағы ынтымақ­тастықтың сындарлы сипатына қанағаттанушылық білдірді. «Мен Сіздің демократияландыру және елдегі азаматтық қоғамды дамыту жөніндегі реформаларды ілгерілетудегі ісіңізге жәрдем ету үшін бірлескен жұмысты жалғастыруға дайын екенімізді айтқым келеді», – делінген хатта.     Елбасы Нұрсұлтан На­зар­­баевтың атына Польша Рес­публикасының Президенті Бронислав Коморовс­кийден құт­тық­тау жеделхаты келді, деп хабар­лады Президенттің баспасөз қыз­меті. Б.Коморовский Нұрсұлтан На­зар­баевты Қазақстан Республикасы Президенті лауазымына қайта сайлануымен құттықтады. «Қазақстан Польшаның Орталық Азиядағы негізгі серіктесі болып саналады. Біз Сіздің елдің табыстарына қуанамыз және мемлекеттеріміздің арасындағы экономикалық ынтымақтастықтың өрістеуінен үміттіміз», – делінген жеделхатта. Польша Президенті Нұрсұлтан Назарбаевтың елдегі ең жоғары лауазымға сайлануы екіжақты қарым-қатынастарды достық, серіктестік, өзара мүдделер мен дәстүрлерді құрметтеу рухында одан әрі нығайтуға септігін тигізетініне сенім білдірген. Соңында Б.Коморовский Қазақстан Президентіне табыс тіледі.   * * * Халықаралық олимпиадалық комитеттің президенті Томас Бахтың Нұрсұлтан Назарбаевты Қазақстан Президенті лауазымы­на сайлануына байланысты құттықтау жеделхаты келді, деп хабарлады Президенттің баспасөз қызметі. Т.Бах олимпиадалық қозғалыстың белді мүшесі болып саналатын Қазақ­станмен серіктестіктің нығайып келе жатқанына сенімді екенін жеткізген. «Сіз спорттың жұртты біріктірудегі маңызын жақсы түсінесіз. Мұның жақсы мысалы – Алматы қаласының 2020 жылғы Қысқы Олимпиадалық ойындарды өткізуге мықты тұжырымдамалар негіз етілген өтінім беруі. Бұл өтінім жақсы спорт инфрақұрылымына және Сіздің елдің қысқы спорт түрлеріне қатысты тәжірибесіне сүйенген», – делінген хатта. Халықаралық олимпиадалық комитеттің президенті Мемлекет басшы­сының Қазақстанды орнықты дамытудағы қызметіне табыс тіледі.