Еңбектің биік бағасы

Қазақстан Республикасы Парламент Мәжілісінің пленарлық отырысында Мәдениет және спорт министрі Арыстанбек Мұхамедиұлы ТМД елдері Парламентаралық Ассамблеясының «Содружество» орденімен марапатталды. Парламентаралық Ассамблеяның құрмет белгісін Мәжіліс Төрағасы Қабиболла Жақыпов табыс етті, деп хабарлады Қазақстан Республикасы Мәдениет және спорт министрлігінің баспасөз қызметі. Парламентаралық Ассамблеяның жоғары марапаты қазақстандық ведомс­твоның басшысына мемлекет­аралық органның қызметіне белсенді қатысуы, Тәуелсіз Мемлекеттер Достастығы ел­дері­нің халықтары арасындағы дос­тық­тың күшеюіне қосқан үлесі үшін табысталды. ТМД мемлекеттерінің Пар­ламентаралық Ассамблеясы –өзара мүдделерге қатысты мәселелер бойын­ша Достастық елдері ұлттық парла­менттерінің ортақ ұсыныстарын дайын­дап,ТМД мүше-мемлекеттерінің парла­менттік ынтымақтастығын жүзеге асыра­тын Тәуелсіз Мемлекеттер Достас­тығының мемлекетаралық органы.