Петропавлда газ баллоны жарылды

ПЕТРОПАВЛ. 17 ақпан. Петропавлдағы көпқабатты тұрғын үйлердің бірінде газ баллоны жарылып, күлі көкке ұша жаздады. Бұл туралы облыстық төтенше жағдайлар жөніндегі департаменттің баспасөз қызметі хабарлады. Жаралыстың қатты болғаны соншалық, үйдің шатыры опырылып, көрші баспаналардың қабырғалары жарылып кеткен. Әйтеуір, адамдар дін аман. Бастапқыда тұрғындар не болғанын түсінбей дал болған. Зәрелері ұшып, қолдарына құжаттарын алып, сыртқа қарай жүгірген. – Ауыр соққыдан үйдің төбесі ортасына түскен шығар деп ойладық. Әйнектерінің быт-шыты шықты. Әлі есімізді жия алмай тұрмыз. Дереу төтенше жағдай қызметіне хабар бердік, дейді көрші-қолаң. Газ баллоны жарылған екі бөлмелі пәтерде жалғыз ер адам тұрып келіпті. Аздап күйік алған ол ауруханаға жатудан бас тартыпты. Пәтер күрделі жөндеуді қажет етеді. Ал көрші баспананың қабырғасын тіреуіштер ұстап тұр. Өмір Есқали. Дерек: Солтүстік Қазақстан облыстық төтенше жағдайлар жөніндегі департаменттің баспасөз қызметі. Сурет: thenews.kz.