Қазпошта өз бөлімшелерін жаңғыртуда

«Қазпошта» АҚ Қазақ­станның жеті қаласында – Ақтөбе, Атырау, Орал, Қы­зылорда, Талдықорған және Таразда жаңғыртылған қа­ла­лық пошта байланысы бөлім­шелерінің ашылғанын хабарлайды. Өткен жылы қараша айында Ақтау қаласында жаңа бөлімше таныстырылған болатын. «Бөлімшелерді жаңғыр­та отырып, біз тек қызметкер­леріміздің жұмыс орнын ғана жақсартқан жоқпыз, сондай-ақ мүмкіндігі шектеулі және бесік арбамен жүретін жас аналарымыздың кіруіне ың­ғайлы болсын деп пандустар орнаттық. Біз қызмет көрсету кезінде ыңғайлы жағдайлар жасауға тырыстық және жаңа жұмсақ жиһаздар қойдық, мысалы, креслолар, дивандар және т.б. Енді клиентке касса терезелерінде тұрудың қажеті жоқ, өйткені, бөлімшелерде бір деңгейлі, бөгетсіз және орнында отырып қызмет көр­сетілетін болады. Тағы бір айта кететін жай, операциялық терезелердің көбейгені. Бұл, үлкен халық ағыны кезінде қызмет көрсету үшін өз септігін тигізеді. Аталған өзгерістер, трансформация бағдарламасы құрамында және оның бірінші қадамдары болып табылады», деп түсінік берді баспасөз қызметінің басшысы Байрам Азизов. Аталған бөлімшелерді жаң­ғыртуға, тек күрделі жөндеуді ғана емес, сонымен қатар тех­но­логиялық құрамдардың жа­ңартылуы да қосылды. Бар­­лық жаңғыртылған пош­та байланыс бөлімшелері бірыңғай электронды кезек жүйесімен, бейне қадағалау жә­не өрт қауіпсіздігімен қам­та­масыздандырылған. Оның үстіне пошта байланыс бөлімдері тәулік бойы жұмыс істейтін болады («POST 24» өзіне-өзі қызмет ету аумағы), қаржы қызметі бойынша – банкоматтар және төлем терминалдары, ал пошта қызметтері бойынша – абономенттік жәшіктер, ал болашақта постаматтар болады. Жаңғыртылған бөлімдерде қабылдау және аудармаларды жүр­гізу валюталық кассалары бар. «Егемен-ақпарат».