Саяси науқан ҚР Сайлау туралы Конституциялық заңының 113-1 бабы, 1 тармағы 2) тармақшасы негізінде бұрынғы әкімнің өкілеттілігі мерзімінен бұрын тоқтауына байланысты өткізіліп жатыр.
Аудандағы 40 сайлау учаскесінде 266 комиссия мүшесі бар. Аудан бойынша 47219 азамат сайлаушылар тізіміне тіркелген. Барлық учаске таңғы сағат 7.00-де ашылып, жұмысын бастады. Дауыс беру кешкі 20.00-ге дейін жалғасады.
Қаладағы аграрлы-техникалық колледжі ғимаратында орналасқан №66 сайлау учаскесіне алғашқылар қатарында келген ассамблея өкілдері өз таңдауын жасады.
