• 22 Наурыз, 2015

Синоптиктер еліміздің көп жерінде ауа райы бұзылатынын ескертті

1 мин

оқу үшін

Egemen Qazaqstan

АСТАНА. 22 наурыз. Еліміздің солтүстік, шығыс, оңтүстік және орталық аймақтарында жел күшейеді. Бұл туралы today.kz хабарлады. Хабарламада көрсетілгендей, 24 наурызда Қызылорда, Оңтүстік Қазақстан, Жамбыл, Алматы облыстарында жаңбыр жауады деп күтілуде. Бұл өңірлерде сондай-ақ, батыс және оңтүстік-батыстан секундына 25 метр жылдамдықпен жел тұратыны болжанып отыр. Сол сияқты, 24 наурызда Ақмола, Солтүстік Қазақстан, Павлодар, Қарағанды, Шығыс Қазақстан облыстарында жауын-шашын болып, желдің ұйытқуы 23-28 метр секундқа дейін жетуі ықтимал. Ал Астанада 24 наурызда қар аралас жаңбыр жауады әрі оңтүстік-батыстан жылдамдығы 25 метр секундқа жететін жел соғады. Жолдыбай Базар. Дерек, сурет: today.kz.