АСТАНА. 21 ақпан. Құрлықтық хоккей лигасы аясында елордалық «Барыс» өз айдынында новокузнецкілік «Металлургты» қабылдап, 2:0 есебімен жеңіске жетті. Бұл туралы egemen.kz хабарлады.
Есеп ойынның небәрі 21-секундында ашылды. «Барыстың» қорғаушысы Майк Ландин бейтарап аймақтан жойқын соққы жасап, қарсыластар қақпасын нысанаға алып көрді. Әйтсе де, шайба қақпадан асып барып, айдын жиегіндегі қорғаннан кейін серпілді. Айдын иелерінен мұндай жылдамдық күтпеген «Металлург» қақпашысы Андрей Кареев серпілген шайбаны тоқтата алмай екі аяғының арасынан өткізіп жіберді. Дер кезінде қажет жерден табылған Брэндон Бочински шайбаға қайта иелік етіп, қақпашыны қапы қалдырды. Алғашқы минутта мұншалықты өрескел қателік жіберген «Металлург» қақпашысы бірден орнын өзге әріптесіне босатып беруге мәжбүр болды. «Металлургтың» бас жаттықтырушысы Герман Титов Кареевтің орнына Рафаэль Хакимовты шығарды. Астаналықтардың қақпасын алғашқы минуттан бастап Ян Лацо қорғағанын айта кетейік.
Уақыт өткен сайын «Барыстың» басымдығы артып, қонақтар қателіктерге жиі бой алдыра бастады. Ойынның 10-минутында Евгений Блохин қос бірдей қорғаушының ортасынан Никита Михайлиске пас шығарып берді. Нәтижесінде, қақпашымен бетпе-бет шыққан Никита тамаша голдың авторы атанып, есепті еселеді. Үзіліске дейін есеп өзгерген жоқ.
Екінші және үшінші кезеңдерде қос тарап та қанша шабуылдағанымен, жанкүйерлер голға куә бола алмады. Осылайша, «Барыс» үшінші ойын қатарынан жеңіске жетіп, ҚХЛ-дың Шығыс конференциясында 5-орынға көтерілді. Келесі ойынды 22 ақпан күні өз айдынында новосібірлік «Сибирь» командасына қарсы өткізеді.
Еламан Қоңыр.
Дерек: egemen.kz.
Сурет: hcbarys.kz.
АСТАНА. 21 ақпан. Құрлықтық хоккей лигасы аясында елордалық «Барыс» өз айдынында новокузнецкілік «Металлургты» қабылдап, 2:0 есебімен жеңіске жетті. Бұл туралы egemen.kz хабарлады.
Есеп ойынның небәрі 21-секундында ашылды. «Барыстың» қорғаушысы Майк Ландин бейтарап аймақтан жойқын соққы жасап, қарсыластар қақпасын нысанаға алып көрді. Әйтсе де, шайба қақпадан асып барып, айдын жиегіндегі қорғаннан кейін серпілді. Айдын иелерінен мұндай жылдамдық күтпеген «Металлург» қақпашысы Андрей Кареев серпілген шайбаны тоқтата алмай екі аяғының арасынан өткізіп жіберді. Дер кезінде қажет жерден табылған Брэндон Бочински шайбаға қайта иелік етіп, қақпашыны қапы қалдырды. Алғашқы минутта мұншалықты өрескел қателік жіберген «Металлург» қақпашысы бірден орнын өзге әріптесіне босатып беруге мәжбүр болды. «Металлургтың» бас жаттықтырушысы Герман Титов Кареевтің орнына Рафаэль Хакимовты шығарды. Астаналықтардың қақпасын алғашқы минуттан бастап Ян Лацо қорғағанын айта кетейік.
Уақыт өткен сайын «Барыстың» басымдығы артып, қонақтар қателіктерге жиі бой алдыра бастады. Ойынның 10-минутында Евгений Блохин қос бірдей қорғаушының ортасынан Никита Михайлиске пас шығарып берді. Нәтижесінде, қақпашымен бетпе-бет шыққан Никита тамаша голдың авторы атанып, есепті еселеді. Үзіліске дейін есеп өзгерген жоқ.
Екінші және үшінші кезеңдерде қос тарап та қанша шабуылдағанымен, жанкүйерлер голға куә бола алмады. Осылайша, «Барыс» үшінші ойын қатарынан жеңіске жетіп, ҚХЛ-дың Шығыс конференциясында 5-орынға көтерілді. Келесі ойынды 22 ақпан күні өз айдынында новосібірлік «Сибирь» командасына қарсы өткізеді.
Еламан Қоңыр.
Дерек: egemen.kz.
Сурет: hcbarys.kz.
